House No : 251, Ward : 1, Cheruthana Panchayath

കുത്തിയൊലിച്ചു വരുന്ന വെള്ളം കണ്ടപ്പൊ അംബികച്ചേച്ചി റേഷന്‍ കാര്‍ഡും ആധാര്‍ കാര്‍ഡും എടുത്തുകൊണ്ട് ഓടുവായിരുന്നു. ‘അതെങ്ങാനും പോയാല്‍ പിന്നെ അതിന്റെ പുറകെയൊക്കെ പോകാന്‍ ആരിരിക്കുന്നു മക്കളേ’, ചേച്ചി പറഞ്ഞത് ഒള്ളതാ. ഒരു മകളുള്ളതിനെ കല്യാണം കഴിച്ചു വിട്ടു. രണ്ടാമത്തെ മകള്‍ മൂന്നു വര്‍ഷം മുമ്പ് H1N1 ബാധിച്ച് മരിച്ചു. എവിടെയെങ്കിലുമൊക്കെ ഹോം നഴ്‌സായോ മറ്റോ ജോലിക്കു പോകും. ഓലയും ഷീറ്റുമൊക്കെ കൊണ്ട് ഒപ്പിച്ചെടുത്ത ഒരു വീടായിരുന്നു അവരുടേത്. ആകെ ഇളകിയ മട്ടിലാണ് ഇപ്പൊ അതിന്റെ നില്‍പ്പ്. നന്നായിട്ടൊന്നു തള്ളിയാല്‍ താഴെ വീണേക്കും. പേടിച്ചാണ് അതിനുള്ളില്‍ കിടക്കുന്നതെന്ന് അവര്‍ പറയുന്നു. ആടിനെയോ കോഴിയെയോ കിട്ടിയാല്‍ വളര്‍ത്താമായിരുന്നു എന്നൊക്കെ ചേച്ചി ആത്മഗതം ചെയ്യുന്നുണ്ടായിരുന്നു.